Сигимова Н. Г. Аволь классо важодема «НОРОВЖОРЧОНЬ ЧИ»
Темась: «Норовжорчонь чи».
Бажамотне: — содавтомс тонавтницятнень эсь раськень койтнень марто;
Тонавтыцясь: Эйкакшт, кода тынь содатадо: масторлангсо эрить пек ламо эрьва кодамо раськень ломанть. Эрьванть улить эсензэ коензэ – кирданзо. Монь ули мелем кортамс течи эсенк раськень Тундонь вастома коензэ ланга. Тундонь коень ды покшчинь тешкстамотне ушодовить лембень, сырнень чипаенть, лембе вармань тердемасо. Вейкесь неть покшчитнень вадря – паро тундонть самозо – нармунтнень лембе ёндо самось.
Эйсюрковонь 22 чистэнть эрзятне тешкстыть Норовжорчонь Чинть. Те покшчинть тешкстнить зняро, зяро ули-эри эрзянь раськесь. Неть читнестэ Эрзянь Масторов лембе ёнкстнэстэ велявтыть норовжорчтнэ. Те шкастонть ловось кува-кува солакшны. Пандо прява, панжадо паксява-умава теевить солавкст.Те чистэнть седикеле эрзятне тешкстыльть Од иенть самонзо. Те чинть самсто ушодовиль тундонь шкась.
Кода жо эрзятне тешкстыльть Норовжорчонь Чинть?
Эрьва кодамо покшчистэ, покш тевень ветямсто ютавтыльть велень Озкс, оршнильть мазый оршамот, лисильть паксяв, кунсоломо, кода чоледить сэрей менельсэнть норовжорчтнэ. Морыльть тундонь морот. (Норовжорчтнэ эрсить эрямо таркань коряс авейкеть, моросткак явовить вейкест – вейкест эйстэ)
( кунсолови норовжорчонь морозо)
Те чинть икеле эрьва кудосо панильть ламбамо чапаксто норовжорчкеть. Сынь эрсить эрьва кодат. Чапакссто теезь норовжорчкетне ярсавильть ламбамо ловсо марто. Те шкас скалтнэ вазыякшность ды максыльть од ловсо.Потмозост яла путыльть: суркске, ярмак, конёвне, нулынестэ вишка тапарькске… Истят норовжорчкеть монь койсэ максыльть покштнэнень. Неть кедьёнкскетнень кувалт кармить содамо мезе сынст учи. Суркскесь – свадьбас, конёвнесь – туи тонавтнеме, ярмакось – сюпалгады, вишка сюлмавкскесь – чачи эйкакш… Норовжорчонь чистэнть эйсэст каванильть васняяк вишка эйкакшт. Паряк, секс: вишкинетне «чоледить» теке норовжорчкеть. Эйкакштнэ чиить мартост паксяв, пандо пряв, кунсоломо сазь алкуксонь норовжорчтнэнь морынест. Миньгак сынст кунсолосынек.
(максовить валт, ловносызь чапаксто саезь нармушка марто)
Ней минь тынк марто налксесынек – невтьсынек ёвтнезенть.
( Эрьва кужонтень максовить конёв, мазый ялавне/ленточка, анокставить нармушкат, понгавтовить тарад лангс. Максневить панезь нармушкат. )
1. Норовжорчкеть, норовжорчкеть!
Ливтядо миненек!
Туинк мартонк лембе кизэнть,
Туинк мартонк мазый тундонть!
2. Сак тундо, сак мазыйка!
Тук мартот розьпринеть,
Пинемень пулткеть,
Сюпав норов
Минек тиринь ёнксов!
3. Маней тей, тей, тей.
Экше тов, тов, тов.
Манеентень — мазый ал,
А экшентень – кши кочом.
4. Норовжорчкеть, ливтядо!
Якшамо теленть панинк!
Лембе тундонть кандынка!
Теледенть меленк мольсь!
Весе кшимек сэвизе!
5. Норовжорчкеть, кочкодыккеть,
Нармушкат- цянавнеть,
Ливтядо тенек,
Маней тундонть, якстере тундонть,
Туинк миненек!
(сови эрзянь оршамосо тейтерька, прясонзо живой цвет)
Весе вейсэ:
— Вай, тундыне, тундыне,
Пиже, мазый палине!
Козонь, тундо, тон чачить?
Кода тон миненек сыть?
— Лембе ёно мон чачинь,
Сёлмо лангсо тыненк сынь.
Нармунтнеяк мартон састь
Ды морот весенень кандсть.
Ули мелем монь содамс:
Содасынк монь нармушкан,
Морот содатадо лангаст.
Тонавтыцясь: Вейсэ Тундонть мелензэ витьсынек, эсенек содамочинек тевтьсынек.
Содамоёвкстнэнь лангсо арсемась.
1. Ашо прок лов,
Раужо прок мода,
Пиже прок чурька. (сезяка –сорока)
2. Удало сянго,
Икеле уро,
Ало – ашо сукна,
Лангсо – сэнь сукна. (цянав — ласточка)
3. Соки мазы цёра,
Соказо ловажань,
Модазо чувтонь. (шекшатась- дятел)
4. Раужо цыган
Эрьва тунда инжекс сакшны,
Сёксня мекев тукшны. (письмар — скворец)
5. Яки паксява,
Но а лишме;
Уйни ведьга,
Но а начки (Мацей – гусь)
Пелькстамо «Кие седе ламо морот соды, косо улить нармунень лемть»
1. Вай, верьга, верьга,
Ливтить яксяргот. утки
Седеяк верьга
Ливтить идемкат. дикие гуси.
2. Верьга- менельга,
Каргонь полк ливтясь. журавль
Каргонь полк ливтясь-
Таго тундось сась.
3. Тише ради бога, люди, тише,
Голуби целуются на крыше. гулька
Вот она любовь сама ликует,
Голубок голубушке воркует
4. Над страной летели лебеди, локсей
Пасмурным днём.
Было им светло и радостно,
Вместе вдвоём.
5. Синие лебеди, светлые сны,
Гордые птицы волшебной весны,
Вы обманули меня, улетели
За дальние дали.
6. Якась, якась бабинесь берёкка 2 – ксть
Вешнесь, вешнесь берёк алга селёка 2 – ксть.
Атяка яксярго- самец утки
А ней вейсэ моратано моро: «Пандо прясо од килей». (музыка)
(Вейсэ налксицятне теить кирькс, эземне лангсо озадо тейтерька, викшни)
Пандо прясо од килей.
Пандо прясо од килей – 2 – ксть.
Од килей, од киле,
Пандо прясо од килей.
Килей ало од тейтерь – 2 ксть.
Од тейтерь, од тейтерь,
Килей ало од тейтерь.
Ашо тевне кедьсэнзэ 2 – ксть.
Кедьсэнзэ, кедьсэнзэ,
Ашо тевне кедьсэнзэ.
Сиянь салмукс кедьсэнзэ 2 – ксть.
Эйсэнзэ, эйсэнзэ,
Сиянь салмукс эйсэнзэ.
Парсей суре песэнзэ – 2 ксть.
Песэнзэ, песэнзэ,
Парсей суре песэнзэ.
Налксема: « Суркскесэ» (Кинь кедьс понги суркскесь, сенень ветицясь ёвты нармунень лем рузокс, се каршо вал максы эрзякс ). Нолдави моро, лоткавтневи.
Варака- ворона пустачей – овсянка
Варси, варсей – грач сенькс — цапля
Верьпеке- снегирь сувозей — глухарь
Вадов, кавал – коршун транзей — чайка
Гулька – голубь тынгай — снегирь
Карго – журавль тырдаз — дрозд
Карциган – ястреб тумоатякш- орёл
Пизьгата – стриж цёков — соловей
Кочкодык – перепёлка цянав — ласточка
Кренч- ворона чавка — галка
Куко – кукушка шекшата — дятел
Локсей – лебедь норовжорч — жаворонок
Письмар – скворец озяз — воробей
Пово, пуня- рябчик ожо пуло — иволга
Покш пря корш – сова паксянь пово — куропатка
Сезьган – сорока пиже озяз — синица
Дерьгун – коростель яксярго — утка
(те налксемасонть прядови покшчинть невтемась )
Тонавтыцясь: Эйкакшт, Норовжорчонь Чись — минек раськенть пек мазый коезэ. Илинк стувто сонзэ. Анокстадо те чинтень, панеде норовжорчкеть, каванядо эйсэст эйкакшкетнень, шабратнень, ялгатнень. Ёвтнеде тенст те мазый эрзянь койденть.